پینٹ فیکٹری میں لگنے والی آگ پر قابو پالیا

لاہور(نامہ نگار) گجر پورہ  کے علاقے میں رنگ روڈ کے قریب کرول گھاٹی میں واقع ایک پینٹ فیکٹری میں منگل کی رات آگ بھڑک اٹھی جس نے دیکھتے ہی دیکھتے پوری فیکٹری کو اپنی لپیٹ میں لے لیا۔6کنال پر قائم فیکٹری میں آگ کے شعلے آسمان سے باتیں کرتے رہے اورکیمیکل کے ڈرم دھماکوں سے پھٹتے رہے جس سے علاقے میں خوف و ہراس پیدا ہو گیا۔ریسکیو کی 12گاڑیوں نے آگ بجھانے کے عمل میں حصہ لیا اور گزشتہ صبح آگ پر قابو پا لیا ہے۔