گوجرانوالہ(نمائندہ خصوصی)صائمہ آفتاب کلیکٹر کسٹم سمبڑیال  نے کہا ہے کہ بزنس کمیونٹی کو درپیش مشکلات کا فوری ازالہ کر کے کاروباری افراد کیلئے آسانیاں پیداکرنا میری اولین ترجیح ہے گوجرانوالہ کی بزنس کمیونٹی سمبڑیال ڈرائی پورٹ کا زیادہ سے زیادہ استعمال کرے۔انہوں نے کہا کہ PSW رجسٹریشن کے حوالے سے جو سہولت ڈیسک چیمبر میں بنانے کی سفارش کی گی ہے اس پر ورکنگ کر کے جلد اس ڈیسک کا قیام بزنس فسلی ٹیشن سنٹر میں کروا دیا جائے گا۔تاکہ PSWکی سہولت گوجرانوالہ کی بزنس کمیونٹی کو اپنے ہی شہر میں باآسانی دستیاب ہو سکے۔جہاں تک لوکل مصنوعات کی ترسیل کے وقت گاڑیوں کی بلاوجہ پکڑ دھکڑ کا معاملہ ہے اسے بھی دیکھ لیتے ہیں یہ نہیں ہونا چاہیئے۔انہوں نے کہا کہ بزنس کمیونٹی کے مسائل چیمبر آف کامرس کی مشاورت سے حل کئے جائیں یہ بہت اچھی تجویز ہے یقینا اس کے بہتر نتائج برآمد ہونگے۔ان خیالات کا اظہار انہوں نے گوجرانوالہ چیمبرآ ف کامرس اینڈ انڈسٹری کے اراکین سے خطاب کے دوران کیا۔جبکہ اجلاس کی صدارت چیمبر کے صدر شیخ فیصل ایوب نے کی۔اس موقع پر سینئرنائب صدر حمیس گلزار،نائب صد رعادل ندیم،بزنس کمیونٹی کی کثیرتعداد بھی موجود تھی۔