لاہور(نامہ نگار)میٹرو بس سٹاپ پر دو بچے گم ہو گئے ۔تفصیلات کے مطابق لاجپت روڈ شاہدرہ کارہائشی محنت کش سعید اپنے تین بچوں کے ہمراہ گجومتہ سے شاہدر ہ واپس آنے کے لئے میٹرو بس مےں سورا ہوا تو اسی دوران دو بچے عبداللہ اور ماہم سٹاپ پر ہی رہ گئے۔ سعید احمد نے شور مچادیا کہا اس کے دو بچے عبداللہ اور ماہم سٹاپ پر رہ گئے ۔ تاہم ڈرائیور نے بس نہ روکی ۔اگلے سٹاپ پر بس رکی۔ جب سعید احمد واپس آیا تو بچے وہاں پر موجود نہیں تھے۔ جس پر والد نے ڈرائیور کے خلاف احتجاج کیا تو مقامی پولیس موقع پرپہنچ گئی۔ پولیس نے صرف بچوں کی گمشدگی کی رپٹ درج کر لی ۔ تاہم رات گئے تک بچوں کا کچھ پتہ نہےں چل سکا ہے۔