ہالی ووڈ فلم ہیری پورٹرکے مداحوں کے لیے خوشخبری،امریکی آرٹسٹ نے چار لاکھ لیگو بلاکس کی مددسے جادوئی سکول ہوگورٹس کا ماڈل تیارکرلیا

ہالی ووڈ کی عالمی شہرت یافتہ فلم سیریزہیری پورٹرکے مداحوں کو جا دوئی اسکول ہوگورٹس توضروریاد ہوگا،جہاں بچوں کو مختلف جادو سکھائے جاتے تھے، امریکی خاتون آرٹسٹ نے لیگوبلاکس کی مدد سے ہوگورٹس سے مشابہ منفرد ماڈل تیارکیا ہے،اس دیوہیکل اسکول کے ماڈل کو مکمل کرنے میں آرٹسٹ کو ایک سال کا عرصہ لگا جس کی تیاری میں چار لاکھ سے زائد مختلف رنگوں کے لیگو بلاکس استعمال کیے گئے،جادوئی سکول کی عمارت میں مختلف کریکٹرز کو بھی دکھایا گیا ہے جو حقیقت سے قریب ترمعلوم ہوتے ہیں، لیگو ہوگورٹس کوعام نمائش کےلئے پیش کردیا گیا ہے۔