کراچی (کامرس رپورٹر) کراچی میں سعودی عرب کے قونصل جنرل محمد عبداللہ عبدل دائم نے کراچی چیمبر آف کامرس اینڈ انڈسٹری کو یقین دہانی کروائی ہے کہ سعودی قونصل خانہ کے سی سی آئی کی سفارش پر بزنس ویزہ جاری کرنے کی سہولت کو بہتر بنانے کے لئے ہر ممکن اقدام کرے گا تاکہ دونوں ملکوں کے درمیان دوطرفہ تجارت کو فروغ دیا جائے۔ یہ بات انہوں نے کراچی چیمبر کے صدر افتخار احمد وہرہ کی سربراہی میں ایک وفد سے گفتگو میں کہی۔