فیروزوالہ ( نامہ نگار) ڈکیتی اور چوری کی متعدد واردوتوں میں ڈاکوئوںنے شہریوں کو لاکھو ں روپے مالیت کے زیورات ، نقدی اور دیگر سامان سے محروم کر دیا ، بتایا گیا ہے کہ ابدالیہ پور کے قریب ڈاکوئوں نے موٹر سائیکل سوار سعید احمد اور اس کے ساتھی قیصر عباس کو روک کر لوٹ لیا ، ڈاکو نقدی ، موبائل اور موٹر سائیکل چھین کر لے گئے، اسلام پورہ شرقپور میں چوروں نے رزاق احمد کے گھر داخل ہو کر 25تولے زیورات اور ایک لاکھ پچیس ہزار روپے کی رقم چوری کر کے لے گئے بتا یا جا تا ہے کہ عبدالرزاق اپنے والد کے انتقال کی وجہ سے اس کی تدفین کے لیے اپنے پرانے گھر میں مصروف تھے اس دوران نامعلوم چوروں نے اس کے گھر کا صفایا کر دیا ، تھابل موڑ کے قریب ڈاکوئوں نے موٹر سائیکل سوار محمد قاسم کو روک کر لو ٹ لیا ، ڈاکو دو طلائی انگوٹھیاں ، دو موبائل اور نقدی چھین کر لے گئے ،ڈاکوئوںنے ٹیکسی ڈرائیور ریاض کو تشدد کر کے رسی سے باندھ کر اسے ویران جگہ پر پھینک کر اورنقدی چھین کر کے لے گئے ، چوروں معظم اشرف کے گھر سے ایک لاکھ تیس ہزار روپے کی رقم اور دیگر سامان چوری کر کے لے گئے ۔