راولپنڈی(محبوب صابر سے)پاکستان آسڑیلیا کرکٹ سیریز کی وجہ سے پاکستان پیپلزپارٹی نے لانگ مارچ کے شرکاء کو مری روڈ کے راستے اسلام آباد داخلے سمیت لیاقت باغ میں قیام کا پروگرام تبدیل کرلیا ہے،اب مارچ کے شرکاء 6 کے بجائے 7مارچ کو ضلع راولپنڈی کی حدود میں داخل ہونگے،7مارچ کی ٹی چوک سے قبل قیام کریں گے ،وہیں رات قیام کریں گے اور 8مارچ صبح ناشتے کے بعد وہاں سے ایکسپریس وے کے راستے اسلام آباد ڈی چوک روانہ ہوجائیں گے ،سابق وزیر اعظم یوسف رضا گیلانی کے مشیر میاں غلام رسول کے مطابق شرکاء اب لیاقت باغ کے بجاے ٹی چوک روات میں خیمہ بستی کے قیام کا عمل کردیا گیا ،مارچ کے شرکائ6 کے بجاے7 مارچ کو روات پہنچے گے،گلگت بلتستان کے پی کے اور دیگر اضلاع کے جیالوں کو روات پہنچنے کی ہدایت کر دی گئی ہے ،رات قیام کے بعد 8مارچ کو ڈی چوک اسلام آباد کی جانب رواں ہوگا،ضلع راولپنڈی میں داخلے پر پہلا استقبالیہ گوجر خان میں راجہ پرویز اشرف دیں گے،گوجر خان میں بلاول بھٹو زرداری شرکاء سے خطاب کریں گے۔