قلعہ دیدار سنگھ (نامہ نگار)ئنے ڈی ایس پی سرکل اور ایس ایچ او تھانہ قلعہ دیدار سنگھ کی تعیناتی کے بعد مسلسل چار روز سے قلعہ دیدارسنگھ پے در پے ڈکیتی وچوری کی نان سٹاپ وارداتیں،پولیس کیلئے چیلنج بن گئیں،ڈاکو شوارما برگرپوائنٹ،دودھ فروش سے ہزاروںنقدی ،چورشہری سے موٹر سائیکل لے کر فرار۔ تفصیلات کے مطابق تھانہ قلعہ دیدار سنگھ کے علاقہ محلہ نظام آباد کے رہائشی گلزار احمد اپنی برگر شوراما کی دوکان پر موجود تھا کہ دو کس موٹر سائیکل سوار ڈاکو اسلحہ کے زور پر70ہزار روپے نقدی چھین کر فرار ہوگئے،کوٹ جیوا کا رہائشی شعیب احمد دودھ فروخت کرکے گائوں واپس جارہا تھا کہ مہران گاڑی میں سوار تین کس ڈاکوئوں نے 15ہزار روپے نقدی چھین لی ،دریں اثناء نامعلوم چورمحلہ میاں صاحب کے رہائشی عبداللہ ملک کی موٹر سائیکل بھی چرا کر لے گئے۔شہریوں نے علاقہ میں نان سٹاپ چوری وڈکیتی کی وارداتوں پر تشویش کااظہار کرتے ہوئے ۔ آئی جی پنجاب ، آر پی او اور سی پی او گوجرانوالہ سے فوری طور پر نوٹس لینے کا مطالبہ کر دیا۔