4 واقعات: دیپالپور میں شوہر کو نشہ پلا کر خاتون سے زیادتی

سیالکوٹ، فیروز والاسیالکوٹ، فیروز والا، کاہنہ، دیپالپور (نمائندہ خصوصی، نامہ نگاران) تھانہ صدر پسرور کے علاقہ ادوفتاح کے رہائشی کے 17 سالہ بیٹے کے ساتھ محلہ دار اوباش شاہد چیمہ نے اسلحہ کے زور پر زبردستی زیادتی کر ڈالی۔ پولیس نے مقدمہ درج کرلیا ہے۔ دیپالپور سے نامہ نگار کے مطابق مہمان بن کر شوہر کو نشہ آور چائے پلانے کے بعد ملزم نے بیوی کو زیادتی کا نشانہ بنا ڈالا۔ ملزم محمد یاسین نے مزاحمت کرنے پر تشدد کا نشانہ بنا کر خاتون کو زخمی کردیا۔ ابوبکر اور سلیم پہرہ دیتے رہے ۔ پولیس نے مقدمہ درج کرلیا ہے۔ فیروزوالا سے نامہ نگار کے مطابق فیروزوالا کی آبادی ونڈالہ دیال شاہ میں اوباش نوجوان اعجاز نے اپنے ہمسائے کی پانچ سالہ بیٹی سے زیادتی کر ڈالی۔ پولیس نے مقدمہ درج کرکے ملزم اعجاز کو حراست میں لے لیا۔ کاہنہ سے نامہ نگار کے مطابق کاہنہ کے علاقہ بدوکی کے قریب واقع مال مویشیوں کی حویلی پر کام کرنے والی ملازمہ کو مالک نے جنسی درندگی کا نشانہ بنا ڈالا 23 سالہ خاتون ملازمہ نے پولیس کو بتایا کہ وہ حاصل پور کے رہنے والے ہیں اور ایک ماہ سے اپنے خاوندکے ساتھ ملزم فیض رسول کی حویلی پر کام کر رہے ہیں۔ کاہنہ پولیس نے مقدمہ درج کر لیا