اسلام آباد(خبر نگار)پاکستا ن مسلم لیگ (ن)کے صدر اور اپوزیشن لیڈر میاں محمد شہباز شریف نے راولپنڈی اسلام آباد یونین آف جرنلسٹس (آر آئی یو جے)کے سالانہ انتخابات 2022 میں نو منتخب صدر عابد عباسی ،جنرل سیکرٹری طارق ورک،نائب صدر چودھری شاہد اجمل اور دیگر عہدیداروں کو مبارک دی ہے اپنے تہنیتی پیغام میں شہباز شریف نے  نے امید کا اظہار کیا کہ آر آئی یو جے کے نو منتخب عہدیدار صحافیوں کے حقوق کے تحفظ کے لیے اپنی ذمہ داریاں احسن طریقے سے انجام دیں گے۔ شہباز شریف نے کہا کہ ہم آزاد صحافت اور اس کا فروغ چاہتے ہیں۔ اس حوالے سے صحافیوں کے ساتھ کھڑے ہیں اور ان کی جدوجہد میں شانہ بہ شانہ ہوں گے۔