ایچ ای سی آل پاکستان انٹر سٹی ویمن روئنگ چمپئن شپ کی اختتامی تقریب

 اسلام آباد (خبرنگار خصوصی) راولپنڈی ویمن یونیورسٹی کے زیر اہتمام نائنتھ ایچ ای سی آل پاکستان انٹر سٹی ویمن روئنگ چمپئن شپ کی اختتامی تقریب کا انعقاد راول ڈیم پر کیا گیا۔ ڈاکٹر شائستہ سہیل ایگزیکٹو ڈائریکٹر ایچ ای سی نے بطور مہمان خصوصی شرکت کی۔اس موقع پر اظہار خیال کرتے ہوئے پروفیسر ڈاکٹر انیلہ کمال وائس چانسلر راولپنڈی ویمن یونیورسٹی کا کہنا تھا کہ اس چمپئن شپ کا انعقاد کروانا راولپنڈی ویمن یونیورسٹی کے لیے ایک بڑی کامیابی ہے جس سے نہ صرف نئے ٹیلنٹ کو ابھرنے کا موقع ملا بلکہ یہ ویمن روئنگ کو ملکی سطح پر مقبول بنانے میں بھی یقینی طور پر مددگار ثابت ہو گا، راولپنڈی ویمن یونیورسٹی کو تھرٹی سکستھ نیشنل روئنگ ویمن چمپئن شپ کا مینجر مقرر کیا گیا ہے۔ ڈاکٹر شائستہ سہیل نے تقریب سے خطاب کرتے ہوئے کہا کہ ایچ ای سی نے تیرہ اسپورٹس کی اکیڈمی بنائی تاکہ ہمارے نوجوانوں کے ٹیلنٹ کو پالش کیا جا سکے۔ اس کے ساتھ ساتھ ڈاکٹر شائستہ نے ڈاکٹر انیلہ کی غیر نصابی سرگرمیوں کے فروغ کے لیے کاوشوں کو سراہا۔ نائنتھ ایچ ای سی آل پاکستان ویمن روئنگ چمپئن شپ میں پہلی پوزیشن یونیورسٹی آف لاہور نے حاصل کی جبکہ دوسری پوزیشن پنجاب یونیورسٹی لاہور اور تیسری پوزیشن لاہور کالج فار ویمن یونیورسٹی نے حاصل کی۔