نیوزی لینڈ ٹیم کا دورہ پاکستان ‘سکیورٹی وفد آج لاہور کے انتظامات کا جائزہ لے گا

لاہور (سپورٹس رپورٹر) نیوزی لینڈ کرکٹ کا 2 رکنی سکیورٹی وفد لاہور پہنچ گیا ۔سکیورٹی وفد میں پلیئرز ایسوسی ایشن نیوزی لینڈ کے ہیتھ ملز اور آزاد سیکورٹی ماہر رگ ڈیکاسن شامل ہیں ۔سکیورٹی وفد اسلام آباد اور راولپنڈی میں انتظامات کا جائزہ لینے کے بعد لاہور پہنچا ۔وفد آج لاہور میں قذافی سٹیڈیم اور سیف سٹی اتھارٹی کا دورہ کرے گا ۔ وفد کو انتظامات کے حوالے سے بریفنگ بھی دی جائے گی ۔ نیوزی لینڈ کرکٹ کا سکیورٹی وفد کل جمعرات کو واپس وطن روانہ ہوگا ۔وفد نے اب تک انتظامات کو تسلی بخش قرار دیا ہے۔ نیوزی لینڈ کرکٹ ٹیم کا دورہ پاکستان اپریل میں شیڈولڈ ہے ۔نیوزی لینڈ اور پاکستان کے درمیان 5 ٹی ٹونٹی میچز کی سیریز شیڈولڈ ہے۔