قائدین کی تصاویر: پیپلز پارٹی کی ”بینظیر ورکرز موومنٹ“ کے امیدواروں کیخلاف تحریری شکایت دائر

لاہور( این این آئی) پاکستان پیپلزپارٹی پارلیمنٹرینرز نے ذوالفقار بھٹو ،بینظیر بھٹو کی تصاویر اور پارٹی پرچم استعمال کرنے پر ” بھٹو شہید بینظیر ورکرز موومنٹ “ کے امیدواروں کیخلاف تحریری شکایت کر دی ہے۔ موومنٹ کے عہدیدار آج ڈسٹرکٹ ریٹرننگ افسر کے سامنے پیش ہو کر اپنا جواب داخل کریں گے۔ بتایا گیا ہے کہ پاکستان پیپلز پارٹی پارلیمنٹرینز نے اپنی تحریری شکایت میں کہا ہے کہ ” بھٹو شہید بینظیر ورکرز موومنٹ “ کے امیدوار ذوالفقار بھٹو ،بینظیر شہید کی تصاویر اور پارٹی پرچم استعمال کر رہے ہیں جو غیر قانونی ہے، انہیں روکا جائے۔ تحریری شکایات پر موومنٹ کے عہدیداروں کو جواب داخل کرنے کیلئے نوٹس جاری کر دئیے گئے ہیں ۔ ” بھٹو شہید بینظیر ورکرز موومنٹ “ پنجاب کے کوار ڈی نیٹر سردار حر بخاری نے رابطہ کرنے پر بتایا کہ ہمارے امیدوار آزاد حیثیت میں الیکشن لڑ رہے ہیں ۔ ہم بھٹو اور بی بی شہید کے پیروکار ہیں انکی تصاویر لگانے سے نہیں روکا جا سکتا۔
پیپلز پارٹی/ درخواست