لاہور (خبرنگار) نوازشریف عمران خان کی اخلاق سے گری باتوں کا رواداری اور شائستگی سے جواب دے رہے ہیں کیونکہ ہماری قیادت تنقید برائے تنقید کی بجائے کارکردگی پر فوکس کرتی ہے۔ 11مئی کو سونامی نوازشریف کے لئے عوام کی محبت کے سمندر میں غرق ہو جائے گا، برسراقتدار آکر نوجوانوں کو لاکھوں نوکویاں دے کر ماﺅں کے ادھورے خواب پورے کریں گے۔ ان خیالات کا اظہار مسلم لیگ (ن) کے مرکزی رہنما حمزہ شہباز نے سبزہ زار میں ایک انتخابی جلسہ عام سے خطاب کرتے ہوئے کیا۔ انہوں نے کہاکہ آئندہ نسلوں کا مستقبل محفوظ کرنے کے لئے نوازشریف سے بہتر کوئی چوائس نہیں، قوموں کی تقدیر بدلنے کے لئے تقریر نہیں، تدبیر کی ضرورت ہے، کھلاڑی اپنے دوغلے پن، جھوٹ اور مفادات کی سیاست کی وجہ سے اپنے ہی سونامی کی لہروں کی نذر ہو جائے گا۔ عوام کو بھوکا مارنے والوں کے گمراہ کن اخباری اشتہارات ووٹرز کے دلوں میں نوازشریف کا مقام اور احترام ختم نہیں کر سکتے۔
حمزہ