ایشیا کبڈی کپ: پاکستان نے نیپال کو ہرا کر چوتھی کامیابی حاصل کر لی

لاہور(نمائندہ سپورٹس+نوائے وقت رپورٹ) ایشیا کبڈی کپ میں پاکستان نے مسلسل چوتھی کامیابی حاصل کر لی۔ پاکستان نے سخت مقابلے میں نیپال کو شکست دیدی۔ نجی ٹی وی کے مطابق پاکستان نے نیپال کو 18 کے مقابلے میں 41 پوائنٹس سے ہرا دیا۔ چیمپئن شپ میں قومی ٹیم آج روایتی حریف بھارت کے مدمقابل ہو گی۔ بھارت نے ایران کو 40 کے مقابلے میں 43 پوائنٹس سے شکست دیدی۔ ایک اور میچ میں افغانستان نے سری لنکن ٹیم کو زیر کر لیا۔پاکستان اور بھارت آج مقابل ہونگے ۔ میچ پاکستان کے معیاری وقت کے مطابق رات 9 بج کر 30 منٹ پر شروع ہوگا۔افغانستان اور نیپال کی ٹیموں کے درمیان میچ شام 7 بج کر 30 منٹ پر شروع ہوگا۔ ایران اور سری لنکا کی ٹیموں کے درمیان میچ 8 بج کر 30 منٹ پر شروع ہوگا۔پہلا ایشیاکپ ٹورنامنٹ 2011ء میں ایران میں کھیلا گیا جس میں بھارت نے‘دوسرا ایشیاکپ پاکستان میں 2012 ء میں کھیلا گیا جس میں پاکستان نے کامیابی حاصل کی تھی۔