ٹائون شپ کے معززین کا اجلاس، ٹیوب ویل فنکشنل نہ ہونے پر احتجاج

لاہور (پ ر) ٹائون شپ کے معززین کا اھم اجلاس علاقہ کے سماجی و تاجر رہنما سابقہ جنرل کونسلر محمد سرفراز خان کی صدارت میں ہوا، اجلاس میں اس امر پر تشویش کا اظہار کیا گیا کے رمضان المبارک کی آمد آمد ہے لیکن مقام افسوس کے بلاک نمبر 11 اور8 بی ون کے ٹیوب ویل فنکشنل نہ ہو سکے، یوسی 232 ٹائون شپ کے مختلف بلاکوں میں پانی کا شدید بحران پیدا ہو گیا ہے محمد سرفراز خان نے خطاب کرتے ہوئے کہا کہ 9 ماہ ہو گئے ہیں لیکن واسا حکام ٹیوب ویلوں کی تعمیر کا کام مکمل نہ کر سکے۔ اجلاس میں واسا کی جانب سے ٹیوب ویلوں کے کام میں ریکارڈ سست روی پر بھی احتجاج کیا گیا، اور ایم ڈی واسا زاہد عزیز سے مطالبہ کیا گیا کہ وہ نوٹس لیتے ہوئے رمضان سے قبل ٹیوب ویلوں کا کام مکمل کرنے کا حکم دیں۔