پیرس (سپورٹس ڈیسک) فیفا انڈر20ویمنز فٹ بال ورلڈ کپ کے شیڈول کا اعلان کر دیا گیا جس کے مطابق میگا ایونٹ پانچ سے چوبیس اگست تک فرانس میں کھیلا جائے گا۔ ٹورنا منٹ میں سولہ ممالک کی ٹیمیں شرکت کریں گی جنہیں چار گروپس میں تقسیم کیا گیا ہے ۔ گروپ اے میں میزبان فرانس ‘گھانا ‘نیوزی لینڈ اور ہالینڈ شامل ہیں ۔ گروپ بی میں شمالی کوریا ‘انگلینڈ ‘میکسیکو اور برازیل کور رکھا گیا ہے ۔ گروپ سی میں امریکہ ‘جاپان ‘پیرا گوئے اور سپین جبکہ گروپ ڈی میں ہیٹی ‘چین ‘نائیجیریا اور جرمنی شامل ہیں ۔ ٹیم تین گروپ میچ کھیلے گی اور دو ٹاپ ٹیمیں کوارٹر فائنل مرحلے کیلئے کوالیفائی کریں گی ۔ ٹورنا منٹ کا فائنل چوبیس اگست کو کھیلا جائے گا۔