پی ٹی آئی نے کرونا وبا کراچی میں پھیلانے  میں بنیادی کردار ادا کیا: مرتضیٰ وہاب 

کراچی(آئی این پی) سندھ حکومت کے ترجمان مشیر قانون، ماحولیات و ساحلی ترقی بیرسٹر مرتضی وہاب نے اپوزیشن لیڈر سندھ اسمبلی حلیم عادل شیخ کے بیان پر ردعمل دیتے ہوئے کہا  ہیکہ پی ٹی آئی نے کرونا وباء کراچی میں پھیلانے میں بنیادی کردار ادا کیا۔ پاکستان میں نااہل خان کی مجرمانہ غفلت اور غیر ذمہ دارانہ بیانات سے کرونا پھیلا۔ ترجمان سندھ حکومت نے مزید کہا کہ کرونا کو عام فْلو قرار دیکر عوام کو نہ صرف گمراہ کیا گیا بلکہ موت کے منہ میں دھکیلنے کی سازش کی گئی۔ انہوں نے کہا کہ پی ٹی آئی نے کرونا وباء کراچی میں پھیلانے میں بنیادی کردار ادا کیا۔ بیرسٹر مرتضی وہاب  نے کہا کہ حلیم عادل شیخ شاہ سے زیادہ شاہ کا وفادار بننے کے ایوارڈ کے اولین مستحق ہیں۔