حافظ آباد:ڈاکوئوں کی فائرنگ سے رہنماپی ٹی آئی چوہدری عاطف شدید زخمی 

حافظ آباد(نمائندہ نوائے وقت)حافظ آباد میں بند روڈ پنڈی بھٹیاں کے قریب آتشیں اسلحہ سے مسلح نامعلوم ڈاکووں نے گاڑی نہ روکنے پر فائرنگ کردی ۔جس کے نتیجہ میں پی۔ٹی۔آئی کے راہنما اور معروف سماجی شخصیت چوہدری عاطف پنو شدید ذخمی ہوگئے جبکہ ڈاکو فرار ہوگئے۔ تفصیلات کے مطابق چوہدری عاطف پنو اپنی گاڑی میں سوار ہوکر بند روڈ پر جارہے تھے کہ راستہ میں نامعلوم ڈاکووں نے انہیں اسلحہ کے زور پر روکنے کی کوشش کی تو انہوںنے گاڑی دوڑا لی جس پر ڈاکووںنے ان پر فائرنگ کردی ۔اسکے نتیجہ میں عاطف پنو شدید ذخمی ہوگئے جنھیں تشویشناک حالت کے پیش نظر الائیڈ ہسپتال منتقل کردیا۔ پولیس تاحال ڈاکووں کا سراغ نہ لگاسکی ہے۔دوسری جانب عوام نے ضلع بھرمیں چوری، ڈکیتی اور موٹر سائیکل چرائے جانے کی بڑھتی وارداتوںپر سخت احتجاج کرتے ہوئے اسے پولیس کی غفلت اور نااہلی قرار دیا ہے۔