لاہور((سپورٹس رپورٹر) ) پاکستان اور زمبابوے کے درمیان دو میچوں پر مشتمل ٹیسٹ سیریز کا دوسرا میچ کل سے ہرارے میں شروع ہوگا ۔ میچ پاکستانی وقت کے مطابق دن ساڑھے بارہ بجے شرو ع ہو گا۔قومی ٹیم کو سیریز میں ایک صفر کی برتری حاصل ہے ۔ زمبابوے کیخلاف دوسرے ٹیسٹ کیلئے قومی ٹیم کی تیاریاں جاری ہیں ۔کھلاڑیوں ںے ہرارے سپورٹس کلب میں بھرپور ٹریننگ کی۔ فیلڈنگ پر خاص طور پر توجہ دی گئی۔کھلاڑیوں نے کوچز کی زیر نگرانی بائولنگ ‘بیٹنگ کی بھر پور پریکٹس کی ۔ پریکٹس سیشن کے دوران فزیکل فٹنس پر بھی زور دیا گیا۔  دوسرا ٹیسٹ جمعہ سے شروع ہوگا۔پہلا ٹیسٹ اننگز اور ایک سو سولہ رنز سے جیت کر پاکستان کو سیریز میں ایک صفر کی برتری حاصل ہے۔میزبان ٹیم نے بھی دوسرے میچ کیلئے تیاریاں جاری رکھی ہوئی ہیں ۔