کورونا وائرس ، دنیا بھر میں ہلاکتیں 3255399ہوگئیں

مہلک کورونا وائرس کے باعث دنیا بھر میں ہلاکتیں3255399ہوگئیں،کیسز15کروڑ58لاکھ27ہزار سے تجاوز کر گئے ۔غیرملکی خبررساں ادارے کے مطابق امریکہ کورونا سے متاثرہ ممالک میں پہلے نمبر پر جہاں اموات 593148 ہو گئیں،کیسز3کروڑ33لاکھ21ہزار 244ہو گئے ۔بھارت کورونا سے متاثرہ ممالک میں دوسرے نمبرپرجہاں ہلاکتیں230151،کیسز2کروڑ10لاکھ70ہزار سے بڑھ گئے ۔برازیل میں114000افراد لقمہ اجل بن چکے جبکہ متاثرین کی تعداد1کروڑ49لاکھ36ہزار تک پہنچ گئی۔فرانس میں105637افراد جان کی بازی ہارچکے اور کیسز57لاکھ80ہزار تک پہنچ گئے ۔روس میںاموات111895جبکہ کیسز48لاکھ47ہزار سے زائد ہو گئے ۔برطانیہ میں127570افرادموت کی آغوش میں جاچکے جبکہ کیسز44لاکھ25ہزار تک پہنچ گئے ۔ دنیا بھر میں کورونا سے شفا یاب ہونے والوں کی تعداد 13 کروڑ 32 لاکھ 54 ہزار سے زائد اور 1 کروڑ 93 لاکھ 17 ہزار سے زائدفعال کیسزہیں۔