معاون خصوصی اطلاعات پنجاب فردوس عاشق اعوان نے کہا ہے کہ اسلامی فلاحی ریاست کے ویژن پر عمل پیرا وزیراعظم عمران خان عوام کی فلاح اور معیار زندگی بہتر بنانے کیلئے کوشاں ہیں، ماضی کے مفاد پرست حکمرانوں نے غریب عوام کو زخم دیئے۔
وزیرِاعظم عمران خان ایک اور وعدے کی تکمیل کے قریب؛
— Dr. Firdous Ashiq Awan (@Dr_FirdousPTI) May 6, 2021
وزیرِاعظم عمران خان آج لاہور کا دورہ کرینگے۔ 10 مقامات پر تاریخ ساز ایفورڈ ایبل ہاؤسنگ منصوبے کا آغاز کرینگے۔ بزدار حکومت نے وزیراعظم عمران خان کے ایفورڈایبل ہاؤسنگ منصوبے کے تحت صوبہ بھر میں 133 مقامات کی نشاندہی کی۔
سماجی رابطے کی ویب سائٹ ٹوئٹر پر اپنے بیان میں فردوس عاشق اعوان نے کہا کہ وزیرِاعظم 10 مقامات پر تاریخ ساز ایفورڈ ایبل ہاوسنگ منصوبے کا آغاز کرینگے، بزدار حکومت نے وزیراعظم کے ایفورڈایبل ہاسنگ منصوبے کے تحت صوبہ بھر میں 133 مقامات کی نشاندہی کی، 32 مقامات پر ترجیحی بنیادوں پر کام شروع کیا جائے گا۔ فردوس عاشق اعوان کا کہنا تھا کہ پنجاب حکومت نے اس مد میں 3 ارب روپے فراہم کر دیئے، ہر گھر کا رقبہ ساڑھے 3 مرلے ہوگا، عوامی سہولت کیلئے گھر کی قیمت 14 لاکھ 30 ہزار روپے مقرر کی گئی ہے، گھر کی قیمت 10 ہزار روپے ماہانہ قسط کی صورت میں وصول کی جائے گی، محدود آمدن کے حامل افراد کو اپنی چھت فراہم کرنے سے یقینا عوام کے دکھوں کا مداوا کرنے میں مدد ملے گی
اسلامی فلاحی ریاست کے ویژن پر عمل پیرا وزیراعظم عمران خان عوام کی فلاح اور معیار زندگی بہتر بنانے کیلئے کوشاں ہیں۔ ماضی کے مفاد پرست حکمرانوں نے غریب عوام کو زخم دیئے۔ محدود آمدن کے حامل افراد کو اپنی چھت فراہم کرنے سے یقینا عوام کے دکھوں کا مداوا کرنے میں مدد ملے گی۔
— Dr. Firdous Ashiq Awan (@Dr_FirdousPTI) May 6, 2021
