صدر عارف علوی نے کورونا ویکسین کی دوسری ڈوز بھی لگوالی

صدرمملکت ڈاکٹرعارف علوی نے کورونا ویکسین کی دوسری ڈوز بھی لگوالی۔صدر مملکت نے ویکسین کی دوسری ڈوز ترلائی کے ویکسینیشن سینٹر میں لگوائی۔ اس موقع پر صدر عارف علوی نے کہا کہ پہلی ڈوز مارچ میں لی تھی مگر اس کے بعد کورونا ہوا، دوسری ڈوز جمعرات کو لگوالی ہے۔انہوں نے کہا کہ بزرگ افراد کی ویکسینیشن بہت ضروری ہے، ماسک پہنیں، ہاتھ دھوئیں اور چھ فٹ کے فاصلے کی احتیاط رکھیں۔