کرونا پابندیاں ختم ‘عید کا مزا آگیا : عابد علی 

لاہور ( سپورٹس رپورٹر) قومی کرکٹر عابد علی نے کہا ہے کہ اس مرتبہ عید کا اپنا مزاہے کیونکہ کرونا وائرس کی پابندیاں ختم ہو چکی ہیں، ماسک پہننا اور سماجی فاصلہ کا خیال رکھنا ضروری نہیں ہے اس لیے پابندیوں کے بغیر شاپنگ کی، مزاآ گیا ہے۔ بچپن اور پروفیشنل لائف کی عید کا بہت فرق ہے ، پہلے والدین ہمارے لیے شاپنگ کر کے آتے تھے، ہمیں ساتھ لے جاتے تھے ہمیں عیدی ملا کرتی تھی تاہم اب اس کے برعکس ہے اب ہمیں بچوں کو شاپنگ کیلئے لے جانا پڑتا ہے اور ہمیں عیدی دینا پڑتی ہے لیکن پھر بھی بہت مزاآتا ہے، عید ہی خوشیاں منانے کا نام ہے جتنی منائیں کم ہے۔ 2020 اور 2021 میں بہت زیادہ کرونا تھا، لاک ڈاؤن تھا ، پابندیاں بہت زیادہ تھیں۔