انگلینڈ کرکٹ ٹیم کی قسمت کا رخ  موڑنا مشکل ہوگا: بین سٹوکس

لاہور(سپورٹس ڈیسک ) انگلینڈ کرکٹ ٹیم کے نئے ٹیسٹ کپتان بین سٹوکس نے کہا ہے کہ وہ ایسی ٹیم کی قیادت کرنا چاہتے ہیں جس میں خدمات انجام دینے کیلئے بے لوث کرکٹرز موجود ہوں۔بین سٹوکس کا بطور کپتان پہلا امتحان 2 جون سے  نیوزی لینڈ کیخلاف دو میچوں کی ہوم سیریز ہوگی۔انہوںنے کہا کہ انگلینڈ کی قسمت کا رخ موڑنا مشکل ہوگا۔خاص طور پر گزشتہ چند سال کی صورتحال کے بعد یہ ایک چیلنج ہے، یہاں بہت کچھ ہے جس کو تبدیل کرنے کی ضرورت ہے۔