لاہور(نامہ نگار) داتا دربار کے علاقے گورا قبرستان میں نامعلوم شخص کی گلی سڑی نعش پڑی دیکھ کر راہگیر نے پولیس کو اطلاع دی جس پر پولیس نے موقع پر پہنچ کر نعش پوسٹ مارٹم کیلئے مردہ خانے منتقل کر کے تفتیش کاآغاز کر دیا۔ ایدھی ترجمان کے مطابق لاش 5 روز پرانی سے جسے جانوروں نے نوچا ہوا تھا جبکہ تاحال اس کی شناخت نہ ہو سکی۔جبکہ برکی کے علاقے پرتھ گاؤں میں نامعلوم شخص کی مسخ شدہ لاش کھیتوں میں پڑی دیکھ کر مقامی افراد نے پولیس کو اطلاع دی جس پر پولیس نے موقع پر پہنچ کر نعش قبضے میں لے کرپوسٹ ماررٹم کیلئے منتقل کر کے تحقیقات کا آغاز کر دیا۔ ایدھی ترجمان کے مطابق نعش 2 سے کئی روز پرانی ہونے کے باعث مسخ ہو کر ناقابل شناخت ہو چکی ہے۔