جاویدلطیف کی خدمات کو فراموش نہیںکیا جاسکتا :رانا فلک شیر 

شیخوپورہ(نامہ نگار خصوصی)مسلم لیگ (ن) کے رہنما رانا فلک شیر نے کہا ہے کہ شیخوپورہ کی سیاست میں میاںجاویدلطیف کی خدمات کو کبھی بھی فراموش نہیںکیا جاسکتا انہوںنے میاںنواز شریف کا سپاہی بن کر مسلم لیگ (ن) کے بیانہ کو گراس روٹ لیول تک پہنچانے کیلئے حقیقی جدوجہد کی اور آج وہ وفاقی کابینہ کا حصہ ہیں تو انہی سیاسی خدمت کی بدولت ہیں میاں جاویدلطیف حلقہ کے عوام کے دلوں کی دھڑکن بن چکے ہیں گذشتہ روز انکی شیخوپورہ آمد کے موقع پر حلقہ کے عوام اور شہریوںکی طرف سے پرجوش استقبال انکی عوام دوستی کا منہ بولتاثبوت ہے ۔