پیاروں کیساتھ عید منانے آنیوالوں کی پردیس واپسی 

کوٹ ادو(خبرنگار)پیاروں کے ساتھ عید الفطر منانے آنیوالوں کی پردیس واپسی ، کوٹ ادو جنرل بس اسٹینڈ اورریلوے اسٹیشن پررش ،ٹرانسپورٹر ایک با ر پھر متحرک ہوگئے ہیں، مسافروں سے من مانے کرایہ وصول کرتے رہے، ذرائع کے مطابق 80فیصد مسافروں نے اپنی ایڈوانس بکنگ کر وا رکھی ہے تاہم بکنگ نہ کرنے والے مسافر پریشانی کا شکار رہے اور ڈبل کرایہ بھر کر سیٹوں کی بکنگ کراتے رہے جبکہ دوسری طرف ریلوے ریزرویشن آفس میں ایڈوانس بکنگ کے باعث راولپنڈی سے ملتان چلنے والی مہر ایکسپریس اور تھل ایکسپریس اپ اینڈ ڈاؤن میں برتھوں اور سیٹوں کا کوٹہ ختم ہونے پرمسافروں کو ٹکٹ کے حصول میں ناکامی کا سامنا رہا ۔