لاہور( این این آئی)عید الفطر کی تعطیلات کی وجہ سے سرکاری نرخنامہ جاری نہ ہونے کے باعث دکانداروں نے برائلر مرغی کا گوشت من مانے نرخوں پر فروخت کیا ، برائلر مرغی کا گوشت480سے530روپے فی کلو تک فروخت ہوا ۔ دکانداروںکے مطابق عید الفطر کے دنوںمیں برائلر مرغی کی سپلائی نہ ہونے کے باعث انہوںنے عید الفطر پر عوام کیلئے گوشت کی دستیابی یقینی بنانے کیلئے پیشگی خریداری کی، تاہم انہیں معمول کی قیمت سے مہنگے داموں خریداری کرنا پڑی۔ تین روز تک مرغیوں کو خوراک اوران کی دیکھ بھال کے اخراجات اس کے علاوہ ہیں۔ مختلف مقامات پر گوشت 480روپے سے530روپے فی کلو تک فروخت ہوا جبکہ کئی علاقوںمیں گوشت دستیاب ہی نہیں تھا۔