ہائیکورٹ : محکمہ صحت کے 30ملازمین کو 10مئی تک ریگولر کرنے کا حکم 

لاہور ہائیکورٹ کے جسٹس ساجد محمود سیٹھی نے محکمہ صحت میں عدالتی حکم کے باوجود ریگولر نہ کرنے کےخلاف توہین عدالت کی درخواست پر محکمہ صحت کو 30 ملازمین کو 10 مئی تک مستقل کرکے رپورٹ پیش کرنے کا حکم دےدیا اور قرار دیاکہ اگر محکمہ صحت ملازمین کو مستقل نہیں کرتا تو پھر توہین عدالت کی کاروائی ہوگی۔ فاضل عدالت نے صداقت علی وغیرہ کی درخواستوں پر سماعت کی۔درخواست میںکہا گیا کہ انسٹی ٹیوٹ آف کارڈیالوجی میں 2001 مین بھرتی ہوئے‘ عدالت نے 2019 میں ریگولر کرنے کا حکم دیا‘ عدالتی حکم کے باوجود محکمہ صحت نے مستقل نہیں کیا ۔عدالت سے استدعا ہے کہ محکمہ صحت کے افسران کے خلاف توہین عدالت کی کاروائی کرے۔