گاہک نے تربوز خراب نکلنے پر احتجاج کیا تو دکاندار نے تلخ لہجے میں جواب دیا
گاہک نے فائرنگ دکاندار عابد کو سینے میں تین گولیاں لگیں،ہسپتال منتقل ،ملزم فرار
لاہور کے علاقے سبزہ زار میں تربوز خراب نکلنے پر گاہک نے دکاندار پر فائرنگ کردی جس سے دکاندار شدید زخمی ہوگیا۔ پولیس کے مطابق فائرنگ کا واقعہ سبزہ زار میں کھاڑک نالے کی چوکی والی پلی پر پیش آیا جہاں ایک گاہک نے تربوز خراب نکلنے پر احتجاج کیا۔ پولیس کے مطابق دکاندار نے تلخ لہجے میں جواب دیا تو گاہک نے اس پر فائرنگ کر دی جس کے نتیجے میں دکاندار عابد کو سینے پر تین گولیاں لگیں اور وہ شدید زخمی ہوگیا، دکاندار کو فوری طبی امداد کیلئے ہسپتا ل منتقل کر دیا گیا۔پولیس کے مطابق فائرنگ کے بعد ملزم فرار ہو گیا جس کی تلاش جاری ہے۔