لاہور(سپورٹس رپورٹر)پاکستان نے اذلان شاہ ہاکی ٹورنامنٹ میں مسلسل دوسری فتح حاصل کرلی۔پاکستان نے دوسرے میچ میں جنوبی کوریا کو 0-4 سے شکست دیدی۔حنان شاہد، ارشد لیاقت،غضنفر علی اور صفیان خان نے گول کئے ۔پاکستان کے حنان شاہد کو مین آف دی میچ کا ایوارڈ دیا گیا۔پاکستان نے میزبان ملائیشیا کو 5-4گول سے شکست دیکر فاتحانہ آغاز کیا تھا۔ملائیشیا کے شہرہ ایپوہ میں شروع ہونے والے سلطان اذلان شاہ ہاکی کپ کے 30ویں ایڈیشن میں کھیلے گئے میچ میں پاکستانی ٹیم نے کوریا کو آؤٹ کلاس کردیا۔ پاکستان کے حنان شاہد، ارشد لیاقت، غضنفر علی اور سفیان خان نے گول کیے۔ سفیان خان نے پنالٹی کارنر جبکہ باقی تینوں کھلاڑیوں نے فیلڈ گول کیے۔اس سے قبل پاکستان نے ایونٹ کے پہلے میچ میں میزبان ملائیشیا کو 4-5 سے ہرایا تھا۔پاکستان تیسرا میچ 7 مئی کو جاپان کے خلاف، 8 مئی کو کینیڈا کے خلاف جبکہ 10 مئی کو نیوزی لینڈ کے خلاف کھیلے گی۔ گروپ سٹیج کی 2 ٹاپ ٹیموں کے درمیان فائنل 11 مئی کو کھیلا جائیگا۔