پنک گیمز:پنجاب یونیورسٹی نے بیڈ منٹن ‘ٹیبل ٹینس‘کرکٹ کے ٹائٹل جیت لئے 

لاہور(سپورٹس رپورٹر) سپورٹس بورڈپنجاب کے زیر اہتمام پہلی وزیراعلیٰ پنجاب پنک گیمز مقابلے اختتام پذیر ہوگئے،پنجاب یونیورسٹی نے بیڈمنٹن، ٹیبل ٹینس اورکرکٹ ٹیپ بال کے ٹائٹل جیت لئے جبکہ ہاکی میں سپیریئر یونیورسٹی نے میدان مار لیا اور باسکٹ بال کا ٹائٹل لاہور کالج فاروومن یونیورسٹی کے نام رہا ہے۔ ہاکی فائنل میچ میں سپریئر یونیورسٹی نے گورنمنٹ کالج وومن یونیورسٹی کو پنلیٹی شوٹ پر4-3سے شکست دیکر ٹائٹل جیت لیا۔ باسکٹ بال فائنل میچ میں لاہور کالج فارویمن یونیورسٹی نے یونیورسٹی آف سرگودھا کو98-5سے شکست دی ۔ بیڈمنٹن فائنل میں پنجاب یونیورسٹی نے یونیورسٹی آف لاہور کو 3-0سے ہرایا۔ ٹیبل ٹینس فائنل میں پنجاب یونیورسٹی نے کنیئرڈ کالج کو3-1سے شکست دی ۔کرکٹ فائنل میں پنجاب یونیورسٹی نے لاہور کالج فارویمن یونیورسٹی کو 65رنز سے ہراکر ٹائٹل جیت لیا۔