لاہور(سپورٹس رپورٹر)آرمی‘ ایچ ای سی،کے آر ایل اور نیوی نے نیشنل چیلنج فٹبال کپ کے کوارٹر فائنل میں جگہ بنا لی ہے۔ جناح سٹیڈیم اسلام آباد میں بانچویں روز چار میچوں کا فیصلہ ہوا۔ پہلے میچ میں انیس کے دو اور حسن کے ایک گول کی بدولت آرمی نے نمسو کیخلاف 3-0 سے فتح حاصل کی۔ دوسرے میچ میں نیوی نے ایس اے فارمز کو 3-0 سے شکست دی۔ نعمان، فرحان اللہ اور نوید نے ایک ایک گول کیا۔ تیسرے میچ میں ایچ ای سی نے پاکا کو 1-0 سے شکست دی۔ میچ کا واحد گول حلیم نے کیا۔ چوتھے میچ میں کے آر ایل نے ماشا یونائیٹڈ کو 4-0 سے شکست دی۔ کے آر ایل کی جانب سے شاہ زیب، نجیب اللہ، وحید اور علی آغا نے ایک ایک گول کیا۔