راولپنڈی(سٹاف رپورٹر)سٹوڈنٹس ویلفیئرسوسائٹی(رجسٹرڈ)علامہ اقبال کالونی راولپنڈی کے زیرانتظام نان فارمل سکول کے سالانہ  نتائج و تقسیم انعامات کی تقریب افتخارعلی شاہ ایجوکیشنل کمپلیکس میں منعقد ہوئی،تقریب سے خطاب کرتے ہوئے مہمان خصوصی ممبر کینٹ بورڈ راولپنڈی ارشدمحمودقریشی نے کہا کہ شرح خواندگی میں اضافہ کامطلب ملک میں فعال شہریوں کااضافہ ہے اس سلسلہ تعلیم کافروغ ہماری اولین ترجیح ہونی چاہیے انہوں نے سوسائٹی کی غیررسمی تعلیم کے فروغ کی کوششوں کو سراہا اورہرممکن تعاون کایقین دلایا،تقریب سے خطاب کرتے ہوئے ممبر ایگزیکٹو کونسل ایس ڈبلیو ایس محمدفہیم،چیئرمین ایس ڈبلیو ایس حمیداحمد،عتیق الرحمن شاہ،ذوالفقارعلی شاہ نے سوسا ئٹی کی کارکردگی اور آئندہ کے لائحہ عمل پرروشنی ڈالی،تقریب کے آخرمیں نمایاں کارکردگی دکھانے پر ایمان،سفیان،بسما، مناہل، طاہرہ، سحرش،محترمہ سدرہ آصف،سرمسعود،محترمہ تحریم اورمحترمہ پروین اقبال کو خصوصی انعامات دیے گئے۔