امام جعفر صادق نے خوش اخلاقی سے اسلام کا جھنڈا بلند کیا،اظہاربخاری

راولپنڈی(اپنے سٹاف رپورٹرسے) چیئرمین متحدہ علما محاز سفیر امن معروف مذہبی اسکالر علامہ پیر سید اظہار بخاری نے حضرت امام جعفر صادق کانفرنس سے خطاب کرتے ہوئے کہا ہے کہ حضرت امام جعفر صادق نے اپنی خوش اخلاقی سے اسلام کی عظمتوں کا جھنڈا بلند کیا یہ وہ آل رسول ہیں جنہوں نے راہ سے بھٹکوں کو راہ حق دکھائی حسن اخلاق کی چاشنی سے بد اخلاقی کے کڑواہٹ کو ختم کیا امام جعفر صادق امت مسلمہ کے لیے مینار نور کی حیثیت رکھتے ہیں  امام جعفر صادق کانفرنس سے ثابت ہو گیا ہے کہ مسلکی اختلاف کے باوجود یہ ثابت ہو گیا کہ آل رسول کا احترام بل نہیں دل سے ہوتا ہے یہ وقت باہمی لڑائیوں کو ہوا دینے کا نہیں بلکہ محبتوں کو فروغ دیکر ملک کو تباہی سے بچانے کا ہے ۔