جامشورو:ٹرالر اور وین میں تصادم،6افراد جاں بحق ،12زخمی

موٹروے ایم نائن پر جامشورو لونی کوٹ کے قریب ٹرالر اور وین میں تصادم کے نتیجے میں 6افراد جاں بحق اور12زخمی ہوگئے۔پولیس کے مطابق لونی کوٹ کے مقام پر رات درمیانی شب ٹرالر اور مسافر وین میں تصادم ہوا تھا، جس کے نتیجے میں  4 مسافرجاں بحق اور 14 زخمی ہو گئے تھے۔ لاشو ں اور زخمیوں کو جامشورو ہسپتال منتقل کر دیا گیا ۔بعد ازاں پولیس نے بتایا کہ مقام ٹریفک حادثے کے مزید 2زخمی ہسپتال میں دم توڑ گئے، جس کے بعد جاں بحق افراد کی تعداد 6 ہوگئی۔پولیس نے بتایا تھا کہ حادثہ تیز رفتاری کے باعث پیش آیا، مزید تحقیقات جاری ہیں،حکام نے بتایا کہ مسافر وین کراچی سے حیدرآباد جارہی تھی۔