چینی تاجر پاکستانیوں کے ساتھ کاروبار میں گہری دلچسپی رکھتے ہیں: آپما

لاہور(کامرس رپورٹر) چین کے تاجروں نے پاکستان کے تاجروں کے ساتھ کاروباری سرگرمیوں کے لئے گہری دلچسپی کا اظہار کیا ہے۔ یہ بات چین کے دورہ سے واپسی پر آل پاکستان پیپر مرچنٹس ایسوسی ایشن (آپما) کے وفد کے سربراہ نے خامس سعید بٹ نے بتائی۔ انہوں نے کہا کہ چین کے تاجروں کے ساتھ نتیجہ خیز ملاقاتیں کی ہیں جن کے دوران دوطرفہ تجارت کو بڑھانے سمیت دیگر امور پر تبادلہ خیال ہوا۔ وفد نے چین کے چیمبرز آف کامرس اینڈ انڈسٹری اورتجارتی ایسوسی ایشنوں کے دفاتر کا دورہ کیاجبکہ گوانگڈونگ میں چین کی پیپر انڈسٹری ایسوسی ایشن اور چین میں پاکستانی قونصل جنرل افتخار انجم سے ملاقاتیں بھی کیں۔