کراچی میں ٹارگٹ کلنگ کا سلسلہ جاری. کریم آباد پل کےنیچےنامعلوم افراد تین لاشیں پھینک کرفرارہوگئےجبکہ شہرمیں کلرزکا نشانہ بننےوالےافراد کی تعدادنوہوگئی۔

کراچی میں نامعلوم افراد کریم آباد پل کےنیچےتین بوری بند لاشیں پھینک کرفرارہوگئےپولیس کےمطابق تینوں کوتشدد کرکےہلاک کیا گیا ہے۔ادھرجمشید کوارٹرز تھانے کی حدود حیدرآباد کالونی میں میاں بیوی کو قتل کردیا گیا۔ پولیس کے مطابق مقتول صلاح الدین اور ان کی اہلیہ طاہرہ کو چھریوں کے وار کرکے قتل کیا گیا ہے۔ ملزمان نے ان کی پچیس سالہ بیٹی سمعیہ کو بھی تشدد کے بعد چھریوں کے وار کے زخمی کردیا جسے تشویشناک حالت میں نجی اسپتال منتقل کردیا گیا ہے۔ پولیس کے مطابق مقتول صلاح الدین اسٹیٹ ایجنٹ اور کینسر میں مبتلا تھا۔ جیکسن تھانے کی حدود مسان چوک پر نامعلوم افراد نے رستم نامی شخص کو اس کی رہائش گاہ میں داخل ہو کر قتل کردیا۔ ناطم آباد انکوائری آفس کے قریب عرفان نامی شخص کو قتل کردیا گیا۔ گارڈن تھانے کی حدود عثمان آباد میں خالد نامی شخص کو فائرنگ کرکے ہلاک کردیا گیا۔ اورنگی ٹاؤن قصبہ کالونی میں موٹر سائیکل سواروں کی فائرنگ سے رشید نامی شخص ہلاک جبکہ صابر خمی ہوگیا۔ بریگیڈ پولیس نے اہل کار کے قتل میں ملوث ملزم عبدالوہاب کو گرفتار کرلیا جبکہ اسپیشل انویسٹی گیشن پولیس نے اسٹریٹ کرائم اور ڈکیتی کی وارداتوں میں ملوث گیارہ ملزمان کو گرفتار کرکے اسلحہ برآمد کرلیا۔