ابوظہبی (سپورٹس ڈیسک) پاکستان اور جنوبی افریقہ کی کرکٹ ٹیموں کے درمیان تیسرا ون ڈے میچ آج شارجہ کرکٹ سٹیڈیم میں کھیلا جائے گا، میچ پاکستانی وقت کے مطابق شام چار بجے شروع ہوگا۔ دونوں ٹیموں کے درمیان پانچ میچز کی سیریز 1-1 سے برابر ہے۔قومی کرکٹ ٹیم کے کپتان مصباح الحق نے کہا ہے کہ آج کا میچ بہت اہم ہو گا۔ امید  ہے بلے باز ذمہ داری کا مظاہرہ کریں گے۔ جنوبی افریقن کپتان اے بی ڈویلیئرز نے کہا کہ ہاشم آملہ اور ڈیل سٹین کی شمولیت سے ٹیم مضبوط ہو جائے گی۔ پاکستانی سپنرز چیلنج ہیں، ان کے خلاف بہترین حکمت عملی اپنانا ہو گی۔