لاہور(سپورٹس رپورٹر) سوئی ناردرن گیس پائپ لائن لمیٹڈ ہاکی ٹیم میں نئے کھلاڑیوں کو شامل کرنے کے لئے ایک روزہ ٹرائلز آج 6 نومبر کو جوہر ہاکی سٹیڈیم لاہور میں ہونگے۔ یہ بات سوئی گیس ٹیم کے منیجر عمران صفدر ورک نے کہا کہ ہاکی پاکستان کا قومی کھیل ہے اس کی ترقی کے لئے سوئی نادرن گیس پائپ لائن لمیٹڈ نے گذشتہ سال ٹیم بنا کر نوجوان کھلاڑیوں کو کھیل کے مواقع فراہم کرنے کی کوشش کی گئی۔ منتخب کھلاڑیوں کو سوئی نادرن گیس ٹیم میں شامل کرنے کے ساتھ ساتھ نوکریاں بھی دی جائیں گی۔ جنرل سیکرٹری سپورٹس سیل اشرف ندیم نے کہا پاکستان ہاکی فیڈریشن سے الحاق کے لئے فیڈریشن کو درخواست دی گئی، امید ہے جلد اس سلسلہ میں ہمیں مثبت جواب مل جائے گا اور قومی سطح پر سینئر اور جونیئر ایونٹس میں بھی ہماری ٹیموں کو کھیلنے کے مواقع ملیں گے۔