کراچی(کرائم رپورٹر) ایس ا یچ اوشاہ لطیف ٹائون امان اللہ مروت کی بہترین کمیونٹی پولیسنگ اورکرمنلز کے خلاف بھرپور مسلسل ایکشن کے سبب ٹائون کے مکینوںکا انہیں زبردست خراج تحسین امان اللہ مروت کے 8 ماہ کے دوران جرائم کے خاتمے میں مثالی کردارادا کرنے پر معززین‘ تاجر و اسمال دوکانداروں‘ اساتذہ‘ علماء اورمختلف علاقوں کے مکینوں نے ٹائون تھانے پہنچ کر امان اللہ مروت پرگل پاشی کی‘ ہارپہنائے‘ تھانے میں ڈیوٹی پر ۔۔۔ موجود افسران وا ہلکاروں کوبھی ہار پہنائے گئے۔ امان اللہ مروت نے مٹھائی منگوائی اور معززین کو کھلائی اور اہل علاقہ کا شکریہ اداکیا۔ گزشتہ 8 ماہ کے دوران مجموعی196 ملزمان گرفتار کئے گئے‘ قتل کے 12 مقدمات درج ہوئے‘8 کو گرفتار کیا گیا۔ 24 اسٹریٹ کرمنل و ڈکیت گرفتارکئے‘ جبکہ مقابلوں میں13 ڈکیت مارے گئے اور 3 کو زخمی حالت میں گرفتارکیاگیا۔ موٹرسائیکل چوری کے 10 مقدمات ہوئے‘ 7 موٹر سائیکل لفٹر گرفتار ہوئے‘ سنگین مقدمات میں ملوث خطرناک گینگ سے 12 مقابلے ہوئے جن میں 15 دہشت گرد مارے گئے۔