لاہور( سپورٹس رپورٹر)نوجوان کرکٹر فواد عالم کوآج پیر کے روز قومی کرکٹ اکیڈمی طلب کر لیا گیا جہاںہیڈ کوچ مکی آرتھر اور دیگر ان کی فارم، فٹنس اور بیٹنگ سکلز کا جائزہ لیں گے۔ پاکستانی میڈیا میں گزشتہ کئی ہفتوں سے ٹیسٹ بیٹسمین فواد عالم کو نظر انداز کئے جانے پر انضمام الحق کی سربراہی میں کام کرنے والی قومی سلیکشن کمیٹی پر تنقید ہو رہی ہے۔واضح رہے کہ چیئرمین پی سی بی نجم سیٹھی کے کہنے پر فواد عالم کو چیف سلیکٹر اور ہیڈ کوچ مکی آرتھر نے بلایا ہے۔