صادق آباد: چچا نے غیرت کا نام پر 2بھتیجیوں کو قتل کردیا: دو ملزم گرفتار

صادق آباد (صباح نیوز) صادق آباد کے نواحی علاقہ جمال دین والی کی بستی ملوک شاہ میں چچا نے2بھتیجیوں کو قتل کر دیا ۔ پولیس کے مطابق لڑکیوں کو غیرت کے نام پر قتل کیا گیا ہے۔ پولیس نے دو ملزمان کو حراست میں لے لیا ہے۔ ابتدائی طور پر لڑکیوں کی نعشیں جمال دین والی ہسپتال منتقل کی گئیں تاہم بعد میں پوسٹمارٹم کے لئے نعشیں تحصیل ہیڈکوارٹر ہسپتال صادق آباد منتقل کر دی گئیں۔ پولیس نے اپنی مدعیت میں واقعہ کا مقدمہ درج کر لیاہے جبکہ لڑکیوں کے والد نے کہا ہے کہ اس کی بیٹیوں کو گزشتہ روز بااثر افراد نے اغوا کر کے زیادتی کا نشانہ بنایاجن افراد کے خلاف لڑکیوں کے والد نے بیان دیا ہے پولیس ان افراد کے خلاف بھی کارروائی کر رہی ہے۔