اسلام آباد /سٹاف رپورٹر/ سری لنکا کے چیف آف ڈیفنس سٹاف ایڈمرل وی جی گنا رتنے روندرا نے ائر ہیڈکوارٹر ز میں فضائیہ کے سربراہ ائر چیف مارشل مجاہد انور خان سے ملاقات کی۔ سری لنکا کے چیف آف ڈیفنس سٹاف نے دوطرفہ پیشہ ورانہ تعاون بڑھانے کیلئے نئے مواقع تلاش کرنے پر اتفاق کیا۔ فضائیہ کے سربراہ نے سری لنکا کے چیف آف ڈیفنس سٹاف کو تکنیکی تربیت اور پیشہ ورانہ مہارت کے شعبوں میں مکمل تعاون کا یقین دلایا۔ اس سے قبل ان کی آمد پر پاک فضائیہ کے ایک چاق و چوبند دستے نے سلامی پیش کی۔معزز مہمان نے یادگار شہدا پر پھولوں کی چادر چڑھاکر پاک فضائیہ کے شہدا کو خراج عقیدت پیش کیا۔