بہاول نگرمیں پسند کی شادی پر بھائی کے ہاتھوں بہن قتل

بہاول نگر کی تحصیل چشتیاں میں بھائی نے پسند کی شادی کرنے پر بہن کو چھریوں کے وار سے قتل کر دیا۔ تفصیلات کے مطابق قاتل بھائی اپنے ساتھی سمیت فرار ہو گیا جبکہ مقتولہ کی لاش کو پوسٹ مارٹم کے لیے   ہسپتا ل منتقل کر دیا گیا ۔ تھانہ بخشن خان پولیس کے مطابق چک 95 فتح میں ملزم شہباز نے اپنے چچا زاد بھائی اقبال کے ساتھ مل کر اپنی 23 سالہ شادی شدہ بہن کرن شہزادی کو چھری سے گلا کاٹ کر قتل کر دیا۔دونوں ملزمان موقع سے باآسانی فرار ہونے میں کامیاب ہو گئے۔مقتولہ کرن شہزادی کی ماں کے مطابق اس کی بیٹی نے 4 سال قبل اپنی مرضی سے شادی کی تھی جس کا ملزم کو رنج تھا۔مقتولہ کی ماں کی مدعیت میں تھانہ بخشن خان پولیس نے مقدمہ درج کر لیا   اور ملزمان کی تلاش جاری ہے۔