لاہور ( سپورٹس رپورٹر) ٹی ٹونٹی ورلڈ کپ کے میچ میں بھارت نے سکاٹ لینڈ اورنیوزی لینڈ نے نمیبیا کو شکست دے دی ۔دبئی انٹرنیشنل سٹیڈیم میں کھیلے گئے میگا ایونٹ کے گروپ 2 کے میچ میں بھارت نے ٹاس جیت کر فیلڈنگ کا فیصلہ کیا۔سکاٹ لینڈ نے پہلے کھیلتے ہوئے 85 رنز بنائے۔ 86رنز کا ہدف بھارتی ٹیم نے جارحانہ بلے بازی کی بدولت دو وکٹوں کے نقصان پر7اوور ز میں حاصل کرلیا۔گروپ ٹو کے میچ میں نیوزی لینڈ نے نمیبیا کو 52 رنز سے شکست دے کر ایونٹ میں تیسری کامیابی حاصل کرلی۔نیوزی لینڈ سے شکست کے بعد نمیبیا سیمی فائنل کی ریس سے باہر ہوگیا۔شارجہ میں کھیلے گئے میچ میں نمیبیا کے کپتان نے ٹاس جیت کر نیوزی لینڈ کو پہلے بیٹنگ کی دعوت دی۔ نیوزی لینڈ نے پہلے کھیلتے ہوئے چار وکٹوں کے نقصان پر 163 رنز بنائے۔نیوزی لینڈ کے 164 رنز کے ہدف کے تعاقب میں نمیبیا نے مقررہ 20 اوررز میں 7 وکٹوں کے نقصان پر 111 رنز بنائے۔