لاہور(نامہ نگار)لاہور پولیس کا سب انسپکٹر جوتا چور نکلا، اپنے ہی تھانے کی حدود سے جوتے چوری کرنے والا سب انسپکٹر رنگے ہاتھوں پکڑا گیا۔ قلعہ گجر سنگھ کے علاقے میں دکاندار نے ایک چور کو جوتا چوری کر کے فرار ہو تے ہوئے پکڑ لیا۔چور نے پکڑے جانے پر اپنا تعارف بطور سب انسپکٹرجمیل کروایا اور بتایا کہ وہ قلعہ گجر سنگھ تھانے میں تعینات ہے۔اس واقعہ منظر عام پر آنے والی سی سی ٹی وی فوٹیجزمیں دیکھا جا سکتا ہے کہ پولیس اہلکار محمد جمیل جوتوں کی دکان میں خریداری کے بہانے داخل ہوااس نے دکان سے نئے جوتے پہنے اور انتہائی مہارت سے پرانے جوتے وہی پر رکھ کر فرار ہونے لگا جسے دکاندار نے فرار ہوتے ہوئے دبوچ لیا۔