لاہور(لیڈی رپورٹر)وائس چانسلر پنجاب یونیورسٹی پروفیسر ڈاکٹر محمد علی نے ہیلی کالج آف بینکنگ اینڈ فنانس کادورہ کیااور نئے باسکٹ بال اور بیڈمنٹن کورٹس کا افتتاح کیا۔ اس موقع پرپرنسپل ڈاکٹر احمد منیب مہتا، فیکلٹی ممبرز اور طلباؤطالبات موجود تھے۔ وائس چانسلر ڈاکٹر محمد علی نے باسکٹ بال اور بیڈ منٹن کورٹس کی سہولت سے طلباء کو جسمانی سرگرمیوں اور تفریح کیلئے جدید پلیٹ فارم میسر آئے گا۔ انہوں نے ڈاکٹراحمد منیب مہتا کی کوششوں کو سراہا۔