لاہور(سپورٹس رپورٹر )کامن ویلتھ گیمز کے گولڈ میڈلسٹ نوح دستگیر بٹ ایشین کلاسک پاور لفٹنگ چیمپئن شپ میں شرکت کریں گے ۔ایشین کلاسک پاور لفٹنگ چیمپئن شپ یکم دسمبر سے دس دسمبر تک تاشقند میں شیڈول ہے، پاکستانی پاور لفٹرز اوپن اور ماسٹر کیٹگری میں اپنی صلاحیتوں کا مظاہرہ کریں گے۔ نوح دستیگر بٹ ایک سو بیس پلس ویٹ میں گولڈ میڈل کے حصول کیلئے زور لگائیں گے ،ڈاکٹر عبدالجبار، عاصم شہزاد اور اطہر بٹ ماسٹر کٹیگری میں ملک کی نمائندگی کریں گے۔